न कुनै नाता न कुनै सम्बन्ध , न कुनै भेट न विशेष चिनजान, कसैको एक हर्कतबाट उ प्रती आकर्षित हो कि प्रभावित था छैन कुन शब्दले दिन्छ त्यो भावको सच्चा अर्थ , तेस्तो भाव बोकि सोच्दै , टोहोलाउदै, कल्पना या कुनै स्वप्न मा डुब्दै , हराउदै ,रुमलिदै खै कस्को बहकाउमा उ तिरै ध्यानाकषिर्त वा भनौ एकोहोरिएको छ मेरो मन, दिमाग अनि म सायद पुर्ण रुपमा। था छैन के आस गर्दछ यो मन वस टोहोलिन्छ बिनाकारण । कोरिएका शब्दहरुबाट किन सुनिन्छ एउटा मिठो स्वर अनि एकान्तमा पनि किन उसैसङ्ग बात मार्न तम्सिन्छन यी ओठ ? था छ ती ओठबाट मेरो नाम पनि सम्बोधन हुन लगभग असम्भव छ तर लगभग त हो पुर्ण असम्भव त होइन भनी चित्त बुझाउदै झन किन उ प्रती आसावादी हुन्छ यो मन? जति जति उस्लाइ सम्झिदै त्यो दुरि नियाल्न थाल्छु तेति तेति सकारात्मकता किन छाउछ यो मनमा? किन मान्दैन यो मन कि धेरै गहिराइमा पुग्दा भोलि उत्रीन कठिन हुन्छ। यो भावमा डुब्दै गर्दा कता कता लाग्छ केइ छैन डुब्दामा मजा छ भने उत्रीदामा नि पक्कै मजा हुनेछ अनि झन मजा लुट्न थाल्छ यो मन उ प्रती को एकोहोरो भावमा निश्चिन्त भएर। मख्ख हुन्छु बिनाकारणको खुसी देखेर अनि कता कता मनको भित्री कुनामा एक किसिमको डर ,भय, त्रास या भनौ कुनै थरथराहट जस्ले सावधान गर्न खोजेझै भनिरहन्छ कतै यो बिनाकारणको अदभूत खुसी भविस्यमा जिन्दगिको यो पाटोतिर फर्की हेर्दा बिनाअर्थको त हुन्न ?? .........
रात र दिनको किन हुन्न बयान जति हुन्छ साझ र बिहानको लाग्दछ मलाइ अधेरि रात र उजेली दिन प्रेमी प्रेमिका हुन भेट्दछन तिनि एकैपल अनि बनाउदछन बयान गर्न लायक क्षण कहिले गोधुलि साझ त कहिले मिर्मिरे बिहानी ।। ती जुन र तारा हुन उपहार दिनले दिएको रातको नाउमा अनि त्यो घना बादल मायाको चिनो रातले दिएको दिनको नाउमा धेरै पल एक्लो अनि केही पल सङ्गै भएतापनी भएको पललाइ यादगार बनाउन कोहि रात र दिनबाट सिकोस त्यो मनोरम साझबाट सिकोस त्यो सुन्दर बिहानी बाट सिकोस आखीर सिकाइ नै जिन्दगी प्रेम नै जिन्दगिको मिठो रस र प्रेम सहितको जिन्दगी नै सुन्दर हुने न हो ।।
Comments
Post a Comment